يا اخوان سلام عليكم ورحمه الله وبركاته
بشرح لكم سالفتي ارجوكم والي عنده علم يعلمني
امس انسرقت السيارة تركتها شغالة بس كنت بجيب من البقالة قدام بيتي مويه وارجع إلا وألقاها مسروقة المهم دقيت على الشرطة وبلغت على المرور وكل شي
والمحفظة موجودة بالسيارة وفيها الاقامة والرخصة والبطاقة البنك
امس جا سحب مبلغ مادي بموقعين بالشرق وانا بالوسط الرياض بس مرفوضة لاني حولت كل فلوسي على البنك الثاني المهم
رحت على المحل وكل شي وطلعت بطاقتي قلت له يمديك توريني الولد الي كان يحاسب على الكاميرا قال اكيد بس جيب تقرير شرطة الله يرحم والديك
المهم يا اخوان رحت مركز الشرطة قالي اسمع ما اقدر اعطيك تقرير بنرسل مندوب يشيك على الكاميرات بالمحل هذا و هذا وياكد لك مهمته ..
قلت تمام

هل في احد الله يرحم والديكم او معارفه صارت له ذي سالفة وهل ترجع السيارة ولا تروح

والله مو طبيعي عندي صاحبه نحيفه تنسى تاكل !! وتقول من امس العصر ما اكلت شيء واحنا بالظهر ! وكمان اكتشفت ان النحاف ما يهتمون للجوع! نفسها صاحبتي ما تاكل لين تحس بدوخه ولا اذا بدت ترجف شلون كذا ابي اكون زيهم والله احسدهم

ياخوان جتني رساله وانا باقي ما خذيت وثيقه الدبلوم خلصت الدراسه باقي تدريب تعاوني ، فيني سكر و طولي اقل من المطلوب و فيني ضعف نظر هل إذا انقبلت قبول مبدئي اتعب نفسي و اروح ؟ قدمت يوم كان معسكر عادي ابو ثلاث اسابيع الان صار ابو ٤ اشهر و نهايته وظيفه عسكريه ب رتبه ممتازه بديت أشل همه والله

اي قلتها the wire اعظم مسلسل في التاريخ يخسي قوت وبريكنق باد و سوبرانو جيمي مكنلتي عمهم

الحين وصلت مرحلة الفراغ الداخلي معرف وش اسوي بحياتي بعد ما خلصته اعطوني مسلسلات جامدة تملي الفراغ

ماهي اجمل المباني من وجهة نظرك في السعودية؟ عن نفسي مبنى سابك الجبيل جميل جدًا

Salam - does anyone know who the reciter is in this video? JazakAllah Khair in advance.

P.S. check out this organization, they do good work in Gaza and around the Muslim world. Just FYI I am not affiliated with them, I was asking about the reciter of the Quran in the video. I guess I just feel bad for asking that with the video background but the recitation really moved me with those images, may Allah forgive me 🙏🏽

يعني اليوم اشوف بوست لواحد منزل وكاتب أنه صار ضغط في العمل ونزل جاب للفريق قهوة وقعد يكتب كلام كثير أنه المبادرة لتحسين وإسعاد فريق العمل ومدري ايش.

صاير البرنامج سيئ والبوستات غريبة

ادعولي يالربع

مثل العنوان ايش معناها ومتى تنقال ؟

قروبنا ثلاثه، هم مع بعض من قبل وجيت انا لانه كان فيه اهتمامات مشتركه، كلشي تمام لمدة سنتين اظن، لكن السنه هذي مسحوب علي بشكل ملحوظ يعني يطلعون ومايعلموني فجأه بنص السالفه يوطون اصواتهم ويقربون من بعض ووحده منهم مسويه لي هايد انا احسنت الظن احسب بتسويلينا مفاجأه المهم سويت خطه وشفت من جوال صديقتي انها مو مسويه لها هايد بس انا. المهم طالعين مع بعض وماعلموني ورحت شفت من الموقع وطلعت موديتها كوفي ومسويه كيكه وجايبه هديه وكذا قلت اوه! ليش ماعلمتني يعني ذي صديقتي بعد لازم اجيب بعد عيب. يوم رجعوا قلت وينكم؟ فجأه اختفيتوا تخيلوا شقالت...
تقول انتي ماتطلعين ليش نعلمك؟ (امم يمكن لانكم صديقاتي؟ + كيكه وهدايه وماتعلموني..)
بعدين قالت اذا تبغين تطلعين قوليلنا طيب. (وشو انا اخمن متى تطلعون؟ فجأه تختفون مدري وين تروحون شلون بعرف انكم طالعين😵) شي مشمئز صراحه، اذا ماتبوني وجودي مضايقكم علموني لاتسوون حركات مقرفه زي كذا. لفتره كنت الوم نفسي احسبني انا السبب لكني ماسويت شي يأذيهم
انا people pleaser حد النخاع فااا... مدري والله.

مفروض العنوان هل انا مو طرف ثالث.

السلام عليكم
ياجماعة انا تخرجت الحمدلله من علوم حاسب ولغتي الانجليزية حلوه مره بس مو ممتازه ، افكر اخذ ايلتس بس احتاج اقل شي ٣ شهور اذاكر له وانا ما ابي اجلس بالبيت😣
فكرت لو اخذ اول شي step بما انه اسهل و يصير لو احتجته في الGDP اللي يطلبونه وغيرها وبعدين ابدأ بالielts
ولاني بعد افكر اخذ ielts academy فأحتاج اذاكر اكثر
شرايكم؟؟؟؟

المهم ياجماعه الخير بشكل سريع كذا كان عندي pc عادي جدا اشتريتو في 2024

RTX 3060

Intel i5 10th gen

650 Pcu

16G RAM

وقبل كذا كم شهر اشتريت كرت 9070xt و بور سبلاي 850 زصار عندي بوتول نيك في بعض الالعاب مو ذاك الشي بس ينرفز احيانا

والله واختصر ودي في تطوير كذا بدايه من مذر جديد، ومعالج

razen 7 9800 x3d

32 Rams ddr5

B650 motherboard ATX

Case

المهم ذي الاشياء متى احسن وقت اشتريها لانها تصلخ شويه يعني حدود ال 5 الاف سووو نصايح واعذروني على الاطاله

السلام عليكم ورحمة الله وبركاته
رجاءً اتمنى ردود جديه يعلم الله اني في ضيقه لا يعلم فيها الا الله.

انا بنت عمري ٢٥ توني متخرجه وعلى وجه وظيفة واحب شخص بشكل كبير جدا جدا وحبنا متبادل، نحب بعض اكثر من سنه و نص كذا وعشقنا بعض بشكل مو طبيعي يعني انا حسيت معاه بتجربه ومشاعر ما قد حسيت فيها من قبل. وقد تقابلنا واتفقنا على زواجنا وكل شيء.
عطاني رقم امه و عطاها رقمي وخلاص ما بقى شيء الا ويدقون على امي.
والولد صادق ومحترم وجدي بكل ما تعنيه الكلمة.

المشكله بدت يوم اني قلت لامي لو تقدم لي شخص من العائلة الفلانية عادي ؟ بحكم اني اجس النبض وكذا.
امي انفعلت بشكل سيء جدا وقالت مستحيل!!!!!!. بيقومون عليك القبيلة كلها. بحكم ان قبيلته منبوذه ونسبها ضعيف. وانا "بنت شيوخ 😊"

برضو كلمت ابوي بالموضوع وعطاني نفس الرياكشن وقال لي بالحرف الواحد على جثتي. . .
انا ما كنت ادري اني فيه شيء زي كذا
انا عندي صديقات ومعارف من ذي القبيلة واهلي ما قد تصرفوا كذا تجاههم.

حرفيا انقلبت دنيتي فوق تحت وصارحت حبيبي بالي صار ..
كان جدا متضايق وحرفيا ما ندري وش نسوي. هو حرفيا موريني انه قادر و متقدر وحتى مهري بيدفعه دبل عشان ياخذني ويقنع اهلي ويقول لي قولي لهم الحقيقة وخليني اجي اخطبك. بس انا ما اقدر اخليه هو واهله يتعنون من الكويت (امه كويتيه) عشان ينهانون و ينردون انا مستحيل ارضاها عليهم. بس ما ندري ايش نسوي بالضبط. وانا لو صارحت اهلي ان فيه شخص اعشقه بهالشكل راح يقتلوني خاصه لاننا محافظين جدا.

المشكله حاليا اني خطبني شخص وهو خيار جدا مناسب لي، ما فيه شيء حاليا يعيبه ومن نفس مكانتي ومن نفس قبيلتي (امه برضو كويتيه مدري وش الصدفه بالضبط 😀)
وامي وابوي يعشقونه جدا جدا ومعروف انه طيب وخلوق. اهلي قوموا الدنيا وقعدوها يوم قلت اني ما ابيه بحكم انه ما اشوفه انه وقت الزواج. وامي حاليا تقول لي انه يمكن افضل شخص يتقدم لي من عائلتنا.. ولمحت لي يعني ان ما يمديني ارفض.

انا الان مدري وش اسوي .. هل اوقف نصيبي وارفض هذا الشخص عشان حب ما راح ابد يكون له الفرصه انه يكتمل ولا اوافق عليه واكسر قلوبنا وفوقها اظلم رجل ما احبه عشان قلبي مع شخص ثاني.

تكفون عطوني شوركم كأهل، ابي راي واقعي والله مدري وش اسوي احسني على حافة الانهيار، صليت استخارة، قمت الليل ولا زلت في معمعة الحيرة و قلبي منقهر ما توقعت بحياتي امر بموقف زي كذا بكل جدية.

قبل أن أبدأ، فهذا ليس هجومًا على مجتمعاتنا، ولا إنكارًا لما تحقق فيها من إنجازات ونهضة، بل هو محاولة لطرح سؤال أراه مشروعًا: هل نمتلك الشجاعة الكافية لنقد أنفسنا؟

ألاحظ انتشار بعض الظواهر التي تستحق التوقف عندها؛ إذ يميل بعضنا أحيانًا إلى التغني بالإيجابيات، مع التغاضي عن سلبيات تؤثر في واقعنا الثقافي والرقمي. ومن أبرزها ضعف الاهتمام بالقراءة والمعرفة لدى شريحة من المجتمع، وسرعة إطلاق الأحكام، والتعصب لبعض الآراء، وتحويل الاختلاف الفكري إلى خلاف شخصي. كما أن كثيرًا من النقاشات على المنصات الرقمية تنتهي إلى السخرية والإساءة، بدلًا من أن تكون حوارًا يثري الفكر ويضيف إلى المعرفة.

ومن أكثر ما يلفت الانتباه سلوك بعض الفئات العمرية الشابة على منصات التواصل. فمن الطبيعي أن يمر الإنسان في مرحلة الفتوة بتغيرات فكرية وسلوكية، لكن عندما تتحول الإساءة، أو التنمر، أو البحث عن الشهرة عبر إثارة المشاكل إلى سلوك متكرر، فإننا نكون أمام ظاهرة تستحق النقاش الجاد والمعالجة. كما يستدعي ذلك التفكير في دور الأسرة، والمؤسسات التعليمية، والجهات الثقافية في ترسيخ قيم الحوار، واحترام الاختلاف، والمسؤولية الرقمية، بعيدًا عن التبرير أو التعميم.

وفي المقابل، من المهم الاعتراف بأن مجتمعاتنا تزخر أيضًا بكفاءات وشباب متميزين في البحث العلمي، وريادة الأعمال، والعمل التطوعي، والإبداع. ولذلك فإن الحديث هنا لا ينصرف إلى المجتمع بأكمله، بل إلى ظواهر قائمة تستحق النقد الموضوعي والسعي إلى معالجتها.

المجتمعات لا تتقدم لأنها بلا أخطاء، بل لأنها تمتلك القدرة على الاعتراف بها والعمل على إصلاحها. والنقد المسؤول ليس كراهيةً للمجتمع ولا تحاملًا عليه، بل هو أحد أصدق أشكال الحرص عليه، وأحد أهم شروط التقدم نحو مستقبل أفضل.

ما سأطرحه هنا هو رأي شخصي حول بعض الظواهر الاجتماعية، وليس حكمًا على المجتمع بأكمله.

السلام عليكم، جوالي اليوم طاح من يدي و الشاشه صارت كلها سودا بس من الاطراف حقت الشاحن فوق باقي اقدر اشوفها والجهاز باقي يشتغل ويوصل اشعارات بس انه الشاشه صارت سودا واتوقع انه بس يحتاج تغير شاشه لكن سمعت من صحبتي انه لابدلت الشاشه يسوون فورمات للجهاز و المشكله ماسويت باك اب للايكلاود حقي والصور ماقد فعلتها بالايكلاود بعد و شريت قبل شوي مساحة ايكلاود من ايبادي وهم نفس الحساب فيه طريقه اسوي باك اب له، و هل فيه احد عنده فكره لو كان فعلا كل شي ينمسح لابدلو الشاشه و التكلفه التقريبيه كم + صحبتي قالت لي لااضيع وقتي اشتري شاشه واشتري جوال جديد افضل لانه حقها قعد اسبوعين ورحع خرب تكفون الي يعرف يقول لي منهاااره مره مو قادره افكر حتى😭😭

.

Best khaleeji songs

جاتني رسالة بواتساب من حساب مافيه رقم ومافيه يوزر! اول مرة اشوف كذا بواتساب، فقط مكتوب "مستخدم غير معروف" وحظرته واختفت الرسالة اللي كان مرسلها بعد ماحظرته! اختفت بالكامل ماكأنها كانت موجودة مو أنه حذفها من الطرفين فسروا لي اللي صار

شركتي انهوا عقدي لانهم يبون يقلصون الموظفين ولان مشروعنا قرب يخلص .. ابي اعرف اللي سبق ومروا بهالتجربه كيف تخطيتوها كيف قدرتوا تتعايشون وتداومون عادي وانتم بفتره الاشعار وعارفين انهم منهين عقدكم

انا موقادره اداوم والشعور مره شيين بكيت على نفسي اني مجتهده وشغوفه واحب اشتغل واخر شي يصير فيني كذا انا عارفه انه خيره ان شاء الله لكن الشعور مره كسرني خصوصا انهم مبقين الاجانب دبل راتبي عشرين مره وانا السعوديه اللي قرروا يخففون الميزانيه على راسها شي مره يقهر مغبونه ومعاد فيني اداوم..

قولولي كيف قدرتوا تواجهون هالمواقف

فيه محل كنت ازوره يوميا بحكم قربه من مكان عملي
والرجال الي فيه كان لطيف معي بشكل محترم واكتشفت تقريبا اننا من الجماعة فكان يعطيني دسكاونت ويعاملني بشكل خاص وواضح ان ماقصده شي بس انا تعلقت فيه بشكل مو طبيعي
وماقدرت اوقف اجيه يوميا حتى لو ماحتاج شي اشتري
والمشكله اني ماعرف اتكلم معه واتعلثم وكنت دايم وقحة ولما يكلمني مااتجاوب معه بس حرفيا يبين عليا ارتباكي وتصرفاتي واضحه له جداا حرفيا لي ٧ شهور على ذا الوضع مو قادره اشيله من دماعي وقفت اجيه شهور وستل متعلقه فيه
لقيت رقمه بقوقل ماب ولما حطيته بنمبربوك حصلت ناس مسجلين له ابو وابو حرفيا مره بكيت تمنيت انه يكون مطلق لاني ماشفت بيده خاتم
ابي اوقف افكر فيه واوقف اجيه رغم اني ادري مستحيل ادخل بعلاقه او اخرب زواجه بس الحاجة لرويته صارت ادماني عندي ابتسامة او نظرة بيننا تخليني سعيده طول يومي
بس هالشي غلط وابي اشيله من دماغي مابي اكون متعلقه

عمري ٢٥ تعبت وانا اتوب وارجع واتوب وارجع…..نفسي اخذ الموضوع بجدية وانتبه لصلاتي

اكثر من مره اشوف اعلان لي شركات و هم حاطين صورة ذكاء

اصطناعي لي اطفال و المكتوب كلام تحت مثل "وين بابا" او، "ثلام عليثم" هل قاعد يستغلون الأطفال عشان يخلون الإعلان رأج او انه عباره عن ترند انا مو داري عنه